ENDIRECT RADIO LESTOMAK FM

Zelenskyy: Larisi Lanse Kareman yon Politik Eliminasyon Total kont Ikrenyen yo


 Ukrainian President Volodymyr Zelenskyy displayed on a screen as he addresses the audience from Kyiv on a screen during the World Economic Forum in Davos, Switzerland, May 23, 2022.

Nan mesaj Prezidan ikrenyen an, Volodymyr Zelenskyy, mete chak jou devan pèp li a, li fè konnen Larisi ap pratike yon politik eliminasyon total klè kont Ikrenyen yo; men evolisyon kastastwofik sitiyasyon an nan Ikrèn ta byen kapab evite “si sila yo ki gen fòs nan lemond pa t ap jwe ak Larisi, men pito fè presyon vrèman pou lagè a pran fen.”

Zelenskyy deklare Larisi “resevwa anviwon yon milyon ewo pa jou nan men Ewopeyen yo pou pwovizyonn enèji,” pandan ke manm “Inyon Ewop la ap pran tan pou yo antann yo sou yon 6 èm seri sanksyon kont Larisi.” Li ajoute:

“Sepandan, Ikrèn pral toujou rete yon eta endepandan e anyen pa p ka brize lespri li.” Sèl kesyon ki rete a, se kesyon pou konnen ki pri pèp nou an pral genyen pou l peye pou libète li” epi ki pri Larisi pral gen pou l peye “pou lagè san rezon li lanse kont nou an.”

Ex Sekretè de Près Lamezonblanch Jen Psaki Pral Travay pou MSNBC


Foto Achiv: Jen Psaki pale pandan yon konferans de pres nan Lamezonblanch nan Washington, 9 Mas, 2022.

Ansyen Sekretè de Près Lamezonblanch la, Jen Psaki siyen yon kontra ak chèn televizyon MSNBC. Li gen pou'l parèt nan pwogram rezo a epi anime yon nouvo pwogram.

Met sou sa, Psaki va parèt nan pwogram espesyal NBC ak MSNBC anivaje difize pandan eleksyon mi-manda yo epi eleksyon prezidansyèl 2024 la.

Psaki te pase premye 16 mwa admnistrasyon Biden nan kom pòt pawòl. Anvan sa li te direktris kominikasyon Lamezonblanch la anba ansyen prezidan Barack Obama. Madan Psaki tou te okipe pòs pòt pawòl Depatman d'Eta.